Shtëpia e ankandeve Sotheby’s ka zbuluar zyrtarisht koleksionin historik Blaquier-Arrieta, një grup prej 12 pikturash të jashtëzakonshme të rrymave Impresioniste dhe Post-Impresioniste, të cilat vlerësohen të kapin një vlerë totale prej rreth 450 milionë dollarësh.
Ky koleksion “pothuajse mitik” ka qëndruar i fshehur nga syri i publikut dhe i tregut të artit për më shumë se gjysmë shekulli në një pronë private në Amerikën e Jugut.
Ai u grumbullua përgjatë viteve 1970 dhe 1980 nga industrialisti argjentinas Carlos Pedro Blaquier dhe bashkëshortja e tij.
“Shumë nga këto vepra nuk janë parë në ekspozitë për 50 vjet ose më shumë, kështu që paraqitja e saj tani është një zbulim i vërtetë”, tha përfaqësuesja e Sotheby’s, Helena Newwman.
Veprat kryesore që udhëheqin këtë ankand, i cili do të mbahet në Nju Jork më 18 nëntor 2026, përfshijnë: Vincent van Gogh: Piktura e tij e peizazhit Pemët e gështenjës në lulëzim, e realizuar në muajt e fundit të jetës së tij,maj 1890, vlerësohet e vetme rreth 180 milionë dollarë.
Paul Cezanne: Portreti i tij i rrallë “Arlequin” pritet të shitet për rreth 120 milionë dollarë.
Koleksioni përfshin gjithashtu punime me vlerë mbi 25 milionë dollarë secila nga artistë të tjerë të mëdhenj.
