Uashingtoni do të tërhiqet nga ndërmjetësimi i bisedimeve të paqes me Rusinë dhe Ukrainën, nëse brenda pak ditëve nuk do të ketë përparime.
Deklaratën e bëri Sekretari amerikan i shtetit, Marko Rubio në Paris, pas takimeve me Presidentin francez Emanuel Makron, përfaqësuesit britanikë dhe ata ukrainas, ku i informoi për ecurinë e bisedimeve me Rusinë.
“Përfaqësuesit ukrainas, pasi të kthehen në shtëpi dhe ta diskutojnë me presidentin e tyre qëndrimin që do të mbajnë. Shpresojmë të dëgjohemi me ta së shpejti“, tha Rubio.
Steve Witkoff, pjesëtari tjetër i delegacionit ndërmjetësues amerikan, i pranishëm në takimet e Parisit tha pak ditë më parë pas takimit me Presidentin rus Vladimir Putin në Shën Pjetërburg, se bisedimet e paqes vareshin nga 5 rajonet e aneksuara nga Rusia.
Ukraina ka vendosur si kusht tërheqjen prej andej të Rusisë për arritjen e një marrëveshjeje paqeje, ndërsa Uashingtoni thotë se Kievi mund ta sakrifikojë këtë kusht.
