Presidenti i SHBA-së, Donald Trump njoftoi atë që e quajti një marrëveshje tregtare “të jashtëzakonshme” me Mbretërinë e Bashkuar.
Trump dhe kryeministri britanik Keir Starmer, të cilët bashkëbiseduan në telefon në Zyrën Ovale, përshëndetën marrëveshjen që lë në fuqi një tarifë prej 10% për mallrat e importuara nga Mbretëria e Bashkuar, ndërsa Britania ra dakord të ulë tarifat e saj në 1.8% nga 5.1% dhe të ofrojë akses më të madh në mallrat amerikane.
Kryeministri britanik Keir Starmer u shpreh se marrëveshja do të rrisë tregtinë midis dhe midis vendeve dhe do të mbrojë vendet e punës.
“Jo vetëm që do të mbrojë vendet e punës, por do të krijojë vende pune, duke hapur akses në treg. Dhe siç thua ti, Donald , kjo marrëveshje vjen pikërisht në 80 vjetorin e përfundimit të Luftës së Dytë Botërore. Kjo mbështetet në atë që është jashtëzakonisht e rëndësishme për sektorë si prodhimi i makinave dhe për çelikun dhe aluminin dhe shumë të tjerë dhe po, mund të përfundojmë duke nxjerrë në pah disa nga detajet, por ka një platformë fantastike këtu, duke përfshirë sigurisht anën e teknologjisë”, tha kryeministri britanik Keir Starmer.
Britania më herët këtë javë arriti një marrëveshje të tregtisë së lirë me Indinë marrëveshja më e madhe tregtare që nga Brexit. Ndërkaq, Grupi Britaniko-Amerikan i Biznesit shprehu zhgënjim që marrëveshja lë në fuqi tarifat prej 10% për shumë produkte, përfshirë makinat, duke rritur kostot për eksportuesit e Mbretërisë së Bashkuar.
Marrëveshja do të ofrojë mundësi të reja eksporti për prodhuesit amerikanë me vlerë 5 miliardë dollarë në vit. Që nga marrja e detyrës në fillim të këtij viti, administrata Trump ka zgjeruar në mënyrë aktive politikat tarifore. Në prill, Trump njoftoi tarifa të gjera për partnerët tregtarë të SHBA-së, megjithatë, shumica e tarifave të shpallura u anuluan ose u pezulluan më vonë për të lejuar negociatat tregtare.
