A e shikoni dhe ju ndonjëherë kafshën tuaj shtëpiake dhe pyesni veten se si do të dukej nëse do të ishte një njeri?! Pas fotove të animuara, një trend i ri i ChatGPT po qarkullon në rrjetet sociale. Shumë njerëz ngarkojnë fotot e kafshëve të tyre shtëpiake për të parë se si do dukej ajo në formën njerëzore.
ChatGPT ka treguar shumë shembuj të kafshëve, të cilat në bazë të analizës së ngjyrës së syve gjinisë, ngjyrës së qimes dhe pozicionit se si rrinë “shndërrohen” në njerëz.
Në shembujt e publikuara në platformën “reddit” duken foto para dhe pas, nga mace me pulla të zeza në një zonjushë të bukur brune. Ose nga një maçok portokalli, e shëndoshë dhe e shtrirë në tokë, në një djalë me flokë dhe mjekër në ngjyrë xhinxheri.
Kaq mjaftoi që më pas shumë njerëz të tregonin në komente se si dukej kafsha e tyre si njeri.
Shumë shpejt funksioni i ri i ChatGPT u kthye në një trend që po pushton rrjetin. Më poshtë tregojmë disa nga postimit e njerëzve të ndryshëm.
