Kryediplomati malazez Filip Ivanoviç u tha eurodeputetëve se vendi i tij mbetet më i avancuari në rajon në rrugën për në BE.
“Mali i Zi nuk e sheh anëtarësimin në BE si një shpërblim, por si rezultat i një vizioni të përbashkët për një Evropë të qëndrueshme, dhe të integruar e gatshme për t’u përballur me sfidat e së ardhmes.
Synimi ynë është i qartë, të bëhemi shteti i 28-të anëtar i Bashkimit Evropian deri në vitin 2028”.
Ivanoviç theksoi se përkushtimi i Malit të Zi për anëtarësim në Bashkimin Evropian nuk është vetëm fjalë, por i rrënjosur në konsensusin publik dhe mes partive dhe më shumë se 80 për qind e qytetarëve e mbështesin anëtarësimin në Union.
