Tifozët shqiptarë mund të sigurojnë tashmë biletat për të ndjekur nga afër Kombëtaren kuqezi në transfertën ndaj Finlandës, në kuadër të UEFA Nations League, Liga C.
Ndeshja Finlandë–Shqipëri do të zhvillohet më 3 tetor 2026, në “The Olympic Stadium” të Helsinkit, ndërsa biletat e rezervuara për tifozët shqiptarë janë në shitje online.
Për të siguruar biletën, tifozët duhet të përdorin seksionin e dedikuar “Away Fans”, të regjistrohen në platformë dhe më pas të përzgjedhin vendet në sektorin e përcaktuar për tifozerinë mike. Pagesa kryhet online përmes platformës.
FSHF u bën thirrje tifozëve shqiptarë që do të jenë në Helsinki të bëhen pjesë e kësaj sfide dhe të mbështesin Kombëtaren në një tjetër ndeshje të rëndësishme të UEFA Nations League.
