Ministri i Mbrojtjes së Greqisë, Nikos Dendias viziton sot Tiranën për bisedime të nivelit të lartë që synojnë rifillimin e një procesi që ka mbetur i bllokuar prej vitesh, për atë të kufirit detar.
Kreu i PD Sali Berisha, në një konferencë për mediat nga selia blu, ka deklaruar se marrëveshja e arritur përpara vitit 2013, ishte një marrëveshje nga e cila fitonin të dy palët, por se ajo është sabotuar qëllimisht nga kryeministri aktual Edi Rama, për llogari të palëve të treta.
“Çdo ministër i qeverisë greke është i mirëpritur. Ne jemi në mbështetje të marrëdhënieve të fqinjësisë së mirë dhe bashkëpunimit me vendet fqinj dhe republikën helenike. Problemi për të cilin vjen Dendias është problemi i marrëveshjes së detit. PD ka dënuar me forcën më të madhe qëndrimin e papërgjegjshëm të Edi Ramës dhe qeverisë së tij ndaj këtij problemi të rëndësishëm për marrëdhëniet mes dy vendeve.
E theksoj se Rama për llogari të palëve të treta bëri gjithçka të sabotonte marrëveshjen e arritur para vitit 2013 me palën greke”, tha ai.
Sali Berisha: Po të mos ishin këta anëtarë të PD, Ballukun do ta kishe dopjo zv kryeministre. Po të mos ishin këta anëtarë të PD me qendresën e tyre, Ramën do ta kishe yll të integrimit, narkodikatorin e Shqipërisë, korrupsioni nga vjedhje do të quhej virtyt. Ndaj njerëzisht të kërkoj t’u jesh mirënjohës atyre që janë aty. Nëse dalin 30 mijë,50 mijë apo 15 mijë për mua nuk ka dallim të madh. Ata janë gati të qendrojnë përballë regjimit për jetë a vdekje. Ajo që është kapitale është se opozita për 2 arsye madhore, për farsën zgjedhore ka nisur serinë e pandalshme të kryengritjes paqësore, që do të vijojë deri në realizimin e qëllimeve tona. Jemi në kushte të diktaturës autoritare.
