Kadastra Shqiptare ka publikuar listën me 511 subjekte përfituese të Vendimit të Legalizimit në Drejtorinë Vendore Tiranë Rurale 1, të cilët ende nuk e kanë tërhequr vendimin e tyre.
Sipas njoftimit zyrtar, për secilin prej subjekteve të përfshirë në listë është emetuar Vendim Legalizimi nga drejtoria përkatëse. Megjithatë, për shkak se dorëzimi i dokumentacionit përmes shërbimit postar nuk është realizuar me sukses, këto vendime nuk janë tërhequr deri më sot nga përfituesit.
Kadastra Shqiptare fton qytetarët që gjejnë emrin e tyre në listë të paraqiten pranë Drejtorisë Vendore Tiranë Rurale 1, të pajisur me kartën e identitetit, për të tërhequr vendimin përkatës të legalizimit.
Lista e plotë e përfituesve është publikuar në faqen zyrtare të Kadastrës Shqiptare. https://www.ashk.gov.al/…/vendime-leje-legalizimi-te…/
