Shtetasi T.Sh dhe shtetasja Valentina K janë lënë në masën e sigurisë “arrest shtëpie”.
Prokuroria kërkoi vijimin e burgosjes për T.Sh, por gjykata caktoi një masë më të butë.
T.Sh tha në gjykatë se ndaloi, për t’i dhënë të miturit disa para.
“Ndalova dhe i dhashë disa para. I ranë në tokë, por nuk e kam parë dhe kur u hap semafori thjesht kam ecur”.
Ndërsa, Valentina K. deklaroi se ndodhej pas fouristradës së T.Sh e se nuk kishte fushë pamje.
Të dy deklaruan se ngjarja ishte krejtësisht aksidentale.
Ngjarja e rëndë ndodhi në 24 shkurt 2026, ku një fëmijë u përplas nga dy makinat. Ngjarja e rëndë ndodhi rreth orës 11:20, në rrugën “Kastriotët”.
7-vjeçari u dërgua në spital për ndihmë mjekësore, por fatkeqësisht nuk arriti të mbijetonte dhe ndërroi jetë.
Të dy shoferët u larguan nga vendngjarja, por se u kapën më vonë nga policia.
