Prokuroria e Republikës së Bullgarisë dhe Prokuroria e Përgjithshme e Ukrainës nënshkruan një Memorandum Mirëkuptimi dhe Bashkëpunimi, tha prokuroria bullgare në një deklaratë për shtyp.
Dokumenti u nënshkrua nga prokurori i përgjithshëm bullgar, Ivan Geshev dhe homologu i tij ukrainas, Andriy Kostin.
Palët ranë dakord të bashkëpunojnë në mënyrë aktive në hetimin e veprave që lidhen me agresionin rus në Ukrainë, dhe më konkretisht krimet kundër njerëzimit, krimet e luftës, agresionin dhe gjenocidin.
Geshev dhe zëvendësdrejtori i Shërbimit Hetimor Kombëtar Petko Petkov po bëjnë një vizitë zyrtare në Kiev me ftesë të Kostinit.
Nevoja për të ndërtuar mekanizma të qëndrueshëm për partneritet ndërmjet institucioneve figuronte në axhendën e dy prokurorëve të përgjithshëm.
Geshev dhe Kostin diskutuan gjithashtu ngritjen e ekipeve të përbashkëta për hetimin e krimeve të luftës.
Geshev siguroi homologun e tij ukrainas se prokuroria bullgare do të jetë një partnere e fortë dhe e denjë, në mënyrë që të dy shtetet të mund të bashkojnë forcat për të kundërshtuar me sukses krimet e luftës, agresionin dhe gjenocidin.
