Drejtori i Përgjithshëm i Policisë së Shtetit Gledis Nano është shkarkuar sot nga detyra e tij. Mësohet se posti i Drejtorit të ri të Policisë së Shtetit, i është propozuar Muhamet Rrumbullakut.
Burimet bëjnë të ditur që pritet firmosja e emrit të Rrumbullakut për tu zyrtarizuar në krye të policisë së Shtetit.
Aktualisht Muhamet Rrumbullaku, mban postin e Drejtorit te Agjencisë për Mbikëqyrjen Policore, ish-SHÇBA-ja.
Kujtojmë se në një komunikim me gazetarët, ministri Çuçi tha se Gledis Nano nuk ka përmbushur objektivat.
Gledis Nano u emërua Drejtor i Përgjithshëm i Policisë së Shtetit më Tetor 2021 duke pasuar Ardi Veliun në këtë detyrë.
Sot pas shkarkimit të tij, vendin e tij do ta mbajë përkohësisht nëndrejtori i përgjithshëm Tonin Vocaj deri në emërimin e drejtorit të ri.
