Ndonëse i vuri ultimatum 50-ditor Vladimir Putinit që, duke i dhënë fund luftës, të shmangë heqjen e ndalimit të furnizimit me armë të Ukrainës nga Shtetet e Bashkuara, duket se Donald Trump po e përshpejton këtë proces.
I zhgënjyer me homologun rus, shefi i Shtëpisë së Bardhë sqaroi se raketat e para Patriot kanë nisur të dërgohen.
Raketat e sofistikuara Patriot, megjithatë, nuk dërgohen drejtpërdrejt nga amerikanët. Skema e përdorur nga Trump është që vendet europiane aleate të NATO-s të furnizojnë Ukrainën me raketat Patriot që kanë nëpër depot e armatimeve. Ndërsa për të rifurnizuar depot e tyre, ata duhet të blejnë nga Shtetet e Bashkuara raketa të reja bashkëkohore të këtij sistemi, duke i sjellë Uashingtonit përfitime të konsiderueshme financiare.
E para që e ndërmerr këtë është Gjermania, drejt së cilës po transportohen raketat e reja amerikane, teksa të vetat Berlini po i dërgon në Ukrainë.
Ndërkaq, sulmet ruse në Ukrainë vazhdojnë me intensitet. Në orët e para të kësaj të mërkure plagosën 8 persona në Vinitsja.
