Partizani kampion, dominim i frikshëm i klubeve të kryeqytetit

Kategoria Superiore, uli siparin e sezonin 2022/23,
teksa “demat” e Partizanit, u kurorëzuan kampion në elitën e futbollit
shqiptar, për herë të 17 në histori.

 Triumfi 2-0 ndaj Teutës i solli titullin kampion
skuadrës së Kolelës, në një kampionat vërtet të rivalizuar. Hera e fundit që
Partizani shpallej kampion ishte viti 2018-2019, asokohe të kuqtë drejtoheshin
nga Skënder Gega. 

 Bardheblutë e Tiranës kanë rekordin absolut sa u
përket titujve të fituar me 26 trofe. Ndërkohë që në vendin e dytë, ndodhet
Dinamo me 18 tituj.

 Dominimin e klubeve kryeqytetase ndër dekada janë
munduar ta thyejnë Vllaznia, që ka fituar 9 tituj kampion, dhe Skënderbeu me 8
tituj. Nga dy herë janë shpallur kampion Teuta dhe Elbasani dhe nga një herë
Kukësi dhe Flamurtari.