Policia e Shtetit ka vijuar me kontrollet “blic” për të goditur paligjshmëritë dhe në Shijak ka bërë të mundur arrestimin e një 45-vjeccari në kuadër të operacionit “Hidden”.
Sipas Bluve, i arrestuari është kapur teksa posedonte një armë zjarri pushkë dhe një sasi municioni luftarak.
Njoftimi i policisë:
Shërbimet e Komisariatit të Policisë Shijak, në vijim të kontrolleve “blic”, të ushtruara në ambiente të ndryshme, me qëllim evidentimin dhe goditjen e paligjshmërive, në bazë të informacioneve të siguruara në rrugë operative për një shtetas që mbante armë zjarri pa leje, organizuan dhe finalizuan operacionin policor të koduar “Hidden”, si rezultat i të cilit u arrestua në flagrancë shtetasi:
-A. Q., 45 vjeç, banues në Shijak, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Bazuar në informacionet e siguruara në rrugë operative, shërbimet e Policisë kanë ushtruar kontroll në banesën e këtij shtetasi, ku kanë gjetur të fshehur një armë zjarri pushkë dhe një sasi municioni luftarak, të cilat u sekuestruan në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Durrës, për veprime të mëtejshme.
