Një meteorit që ra mbi një shtëpi në SHBA është më i vjetër se sa Toka, thonë shkencëtarët.
Trupi qiellor përshkoi qiejt përpara se të shpërthente në Georgia më 26 qershor, konfirmoi NASA.
Shkencëtarët e University of Georgia ekzaminuan një copëz të gurit që shpoi çatinë e një shtëpi në McDonough. Bazuar në llojin e meteoritit, ata zbuluan se duhet të jetë formuar 4,56 miliardë vite më parë, pra është 20 milionë vite më i vjetër se planeti ynë.
Pati qindra raportime nga banorët e Georgia dhe shteteve fiqnje dhe një zhurmë të madhe kur topi i zjarrtë përçau qiejt.
Shkëmbi u tkurr shpejt në madhësi dhe shpejtësi, por vazhdoi të fluturonte me të paktën 1 km/s.
Duke përdorur mikroskop optik dhe me elektrone, Scott Harris nga University of Georgia dhe ekipi i tij thanë se ishte kondrit, një nga meteorët e gurtë më të përhapur.
I quajtur meteoriti McDonough, ai tashmë është i 27-ti që bie në Georgia. “Kjo është diçka që pritet një herë në disa dekada dhe jo disa herë brenda 20 viteve”, tha Harris.
Ai shpreson që t’i publikojë kërkimet e tij për përbërjen dhe shpejtësinë e asteroidit që do të ndihmojë në të kuptuarit e kërcënimit nga asteroidët e tjerë.
