Disa shtete amerikane janë prekur rëndë nga stuhitë e forta pranverore që kanë shkaktuar përmbytje të mëdha dhe i kanë marrë jetën të paktën 24 njerëzve që nga java e kaluar.
Në Louisville dhe në Kentaki, nivelet e lumenjve u rritën me 5 metra në vetëm 24 orë. Ky i fundit është i goditur më rëndë. Për komunitet që ndodhen pranë lumit Kentucky është lëshuar urdhri i evakuimeve të detyrueshme.
Departamenti lokal i zjarrfikësve tha se shpëtoi më shumë se 40 njerëz nga përmbytjet gjatë fundjavës. Përmbytjet ende përbëjnë një kërcënim të madh për shtete si Arkansas, Mississippi, Tennessee dhe Ohio.
Videot nga Cincinnati, Dayton, Montgomery dhe Franklin në Ohio zbulojnë shkallën e dëmit për të cilin qeveria e këtij shteti kishte paralajmëruar banorët. Energjia dhe gazi u ndërprenë në rajonet që shtrihen nga Teksasi në Ohajo.
Deri të dielën, më shumë se 90 tornado ka patur në të paktën 10 shtete, duke përfshirë Kansas, Alabama dhe Xhorxhia.
