Katër liderët kryesorë të Evropës, kancelari i zgjedhur gjerman, Merz, presidenti francez Macron, kryeministri britanik Starmer dhe kryeministri polak Tusk mbërritën në Kiev.
Ata u pritën nga presidenti ukrainas Volodimir Zelensky, teksa vendosen të bënin homazhe për viktimat e luftës në memorialin e Sheshit të Pavarësisë.
Misioni i tyre, është i qartë nxitja e një armëpushimi të plotë 30 ditor të luftë së nxitur nga Rusia. Në njëdeklarate të tyre të përbashkët para udhëtimit në Kiev ata thonë se ky plan është i paraqitur edhe nga presidenti i SHBA-së, Donald Trump. Kjo sipas tyre do te krijojë hapësirë për të diskutuar për një paqe të drejtë dhe të qëndrueshme.
Presidenti Macron e cilësoi këtë takim nisjen e një epoke të re që e konsideron Evropën një fuqi dhe një moment historik për mbrojtjen evropiane dhe një pavarësi më të madhe për sigurinë e Evropës. Shefi i Elizesë tha se nëse arrihet marrëveshja është e nevojshme që Kievi e Kremlini të nisin bisedimet direkte mes tyre.
Vizita e përbashkët në Kiev shihet si një përgjigje simbolike ndaj pjesëmarrjes së mbi 20 liderëve botërorë në ceremonitë e Ditës së Fitores në Moskë, mes tyre edhe presidenti kinez Xi Jinping, të cilët u pritën një ditë më parë nga presidenti rus Vladimir Putin.
