Veprimtaria gjyqësore në Gjykatën e Durrësit aktualisht vijon vetëm për çështjet urgjente.
Në gjykatë zhvillohen seancat për caktimin e masave të sigurimit, lëshimin e urdhrave të menjëhershëm të mbrojtjes, si dhe çështje të tjera të ngutshme.
Ndërkohë, gjykimi i çështjeve të tjera nuk po zhvillohet, pasi gjyqtarët janë sot pjesëmarrës në Mbledhjen e Përgjithshme të Gjyqtarëve pranë Këshillit të Lartë Gjyqësor.
Të kufizuara janë edhe shërbimet e ofruara nga administrata e gjykatës në seksionin civil.
