Gjykata e Lezhës dha sot masën arrest në burg ndaj Jetmir Llanajt.
46-vjeçari akuzohet se është pjesë e një grupi prej 5 personash që vendoste gjoba tek bizneset.
Sipas policisë, ai përdorte 2 të mitur dhe 2 persona të tjerë që i dërgonte tek bizneset duke përcjellë mesazhet e tij të kërcënimeve.
Hetimet kishin nisur 3 muaj më parë dhe gjatë kësaj kohe grupi ishte mbajtur nën vëzhgim.
Dy te miturit u kapën në flagrancë duke tentuar të merrnin një shumë parash tek një biznes.
Pak ditë më vonë u vu në pranga edhe Llanaj.
