Albulena Haxhiu do të jetë emri si kandidate për kryetare të Kuvendit të Kosovës.Kështu, së paku, ka thënë Ministri i Jashtëm në detyrë, Glauk Konjufca. Ai ka thënë se nuk e ka për synim të kandidojë për president, ndërsa ka shprehur optimizmin e tij për bisedimet e kësaj partie me Lidhjen Demokratike të Kosovës për konstituimin e institucioneve.
Konjufca tha se pas zgjedhjeve të dhjetorit kishte pasur një bllokadë të plotë dhe, sipas tij, qëllimi kishte qenë që vendi të shkonte sërish në zgjedhje. Ministri shtoi se tani mbetet të shihet zhvillimi i situatës brenda LDK-së, duke theksuar se kjo parti ka autonominë e plotë për vendimet e saj.
LDK-ja aktualisht i ka pezulluar bisedimet me Vetëvendosjen pas dorëzimit të nënshkrimeve të më shumë se 150 delegatëve të kësaj partie për një Kuvend të jashtëzakonshëm për shkarkimin e kreut të partisë, Lumir Abdixhiku.
