Edhe një herë tjetër Kuvendi i Kosovës nuk ka arritur që të zgjidhë krizën e saj politike për caktimin e kryetarit/es së Parlamentit.
Përgjatë seancës së sotme të konstituimit, Albuena Haxhiu nuk mori votat e mjaftueshme që të jetë kryeparlamentare e Kosovës.
Ajo duhej të siguronte 61 vota pro për të marrë detyrën e lartë, por mori vetëm 54 të tilla.
Ajo herët e tjera gjithnjë ka siguruar 57 vota.
Seanca e radhës do të mbahet ditën e Enjte, në orën 10.00.
Opozita qëndron stoike në vendimin e saj për të mos caktuar Haxhiun si kryetare Kuvendi. Nga ana tjetër sakaq, Albin Kurti dhe partia e tij, Lëvizja Vetëvendosje, nuk sugjeron asnjë emër tjetër. Opozita është shprehur më herët se Haxhiu nuk është një emër unifikues ndaj dhe nuk i merr votat e saj.
Memli Krasniqi, kreu i PDK-së, ka thënë se Kurti po e saboton qëllimisht krijimin e institucioneve të reja.
