U zhvillua sot raundi i dytë për zgjedhjen e kryetarit të ri të Gjykatës Kushtetuese.
Gjykata kushtetuese njoftoi se pas procesit të votimit rezultoi se asnjë nga kandidatë nuk mori shumicën ligjore prej 5 votash.
“Mbledhja e Gjyqtarëve të Gjykatës Kushtetuese, në zbatim të parashikimeve ligjore, zhvilloi sot më 17 shkurt 2023 raundin e dytë të votimit për zgjedhjen e Kryetarit të ri të Gjykatës Kushtetuese.
Në përfundim të procesit të votimit sërish asnjë nga kandidatet nuk mori shumicën ligjore prej të paktën 5 votash.
Rezultati i votimit ishte: Fiona Papajorgji – 3 vota. Marjana Semini – 3 vota. Holta Zaçaj – 3 vota”, thuhet në njoftim.
Po ashtu bëhet e ditur se Mbledhja e Gjyqtarëve të Gjykatës Kushtetuese ka vendosur të zhvillojë raundin e tretë të votimit në datën 20 shkurt 2023, ora 10:00.
