Friedrich Merz nuk arriti dot të zgjidhet kancelar i Gjermanisë, në votimin e zhvilluar paraditen e kësaj të Marte në parlament. Lideri i kristiandemokratëve siguroi vetëm 310 vota, 6 më pak se shumica e nevojshme për miratimin e qeverisë së tij.
Sipas mediave gjermane, ky është rasti i parë në historinë pas Luftës së dytë Botërore që dështon miratimi i një qeverie në parlament.
Votimi tregoi se mes shumicës së re qeverisëse ka mosmarrëveshje të thella, që çuan deri në këtë dështim unik.
Një ditë më parë, liderët e tre partive nënshkruan marrëveshjen e koalicionit dhe bashkëdrejtuesi i socialdemokratëve Lars Klingbeil, që synon postin e minsitrit të financave tha se çdo mosmarrëveshje ishte sheshuar.
Votimi i radhës do të bëhet brenda dy javëve të ardhshme dhe nuk përjashtohen ndryshime në listën e anëtarëve të qeverisë. Nuk përjashtohen zgjedhjet e reja, të kërkuara nga radikalët e Alternativës për Gjermaninë.
