Gjykata e Posaçme e Apelit ka rrëzuar kërkesën e Jamarbër Malltezit për shfuqizim të masës së sigurisë “arrest në shtëpi”. Vendimi është dhënë nga gjyqtari Engert Pëllumbi.
Ankimi në Apel u shqyrtua ditën e djeshme, ku Malltezi u përfaqësua nga avokatët e tij dhe në përfundim gjykata shtyu seancën për shpalljen e vendimit për sot.
Dhëndri i ish-Kryeministrit Berisha qëndron në arrest shtëpie që prej Nëntorit 2023. Aktualisht ai është marrë i pandehur në dosjen “Partizani” për veprat penale të “korrupsionit pasiv” dhe “pastrimit të parave”.
