‘Emily in Paris’ do të rikthehet në Netflix për sezonin e pestë.
Ndërsa kasti i aktorëve më në fund është shpallur, një emër kryesor është jashtë listës për sezonin e ardhshëm.
Camille Razat, e cila luajti rolin e Camille, nuk do të kthehet në shfaqjen e Netflix, siç raportohet nga media të shumta.
Camille ka qenë një nga personazhet kryesore në shfaqje. Ajo u shfaq në ‘Emily in Paris’ që në sezonin e parë. Camille, luajti rolin e shoqes së personazhit të Lily Collins, Emily-t.
Emily dhe Camille po luftonin në sezonin e katërt për dashurinë e Gabriel, të luajtur nga Lucas Bravo. Mirëpo, në fund të sezonit të katërt, personazhi i Camille, u pa duke paketuar gjërat për t’u larguar.
Anëtarët e tjerë të kastit duke përfshirë Ashley Park, Lucas Bravo, Lily Collins dhe Leroy-Beauliu do të kthehen për sezonin e pestë të ‘Emily in Paris’.
