Zëvendësministri për Evropën dhe Punët e Jashtme, Endrit Yzeiraj mori pjesë në “Delphi Economic Forum” (Forumi Ekonomik i Delfit) në Greqi, ku u diskutua mbi perspektivën evropiane të Shqipërisë dhe rajonit tonë.
Ministria për Europën dhe Punët e Jashtme në një njoftim për shtyp bëri të ditur se diskutimet dhe takimet dypalëshe u përqendruan në ndikimin që ky proces do të ketë në rritjen e besimit të investitorëve, zhvillimin ekonomik afatgjatë, dhe në afrimin e vendeve tona me standardet evropiane.
“Integrimi europian nuk është vetëm një projekt politik, por një mundësi konkrete për të forcuar ekonominë, drejtësinë dhe mirëqenien e qytetarëve tanë”, thuhet në njoftimin e MEPJ.
