Ish-kryeministri Sali Berisha kërkon të shfuqizojë masën e sigurisë “detyrim për paraqitje” në Gjykatën e Lartë.
Raportohet se kjo gjykatë ka regjistruar rekursin e ish-Kryeministrit kundër vendimit të Apelit të Posaçëm të 3 Janarit, që caktoi ndaj tij masën e “detyrimit për paraqitje”.
Ndërkohë rekurs në Gjykatën e Lartë ka paraqitur edhe Jamarbër Malltezi, dhëndri i ish-Kryeministrit, i cili kërkon të shfuqizojë vendimin e Apelit të Posaçëm, që la të pa ndryshuar masën e sigurisë “arrest në shtëpi” ndaj tij.
Kreu i Partisë Demokratike është në këtë masë që prej 3 Janarit të këtij viti për çështjen penale të kompleksit “Partizani”.
Ish-Kryeministri është marrë i pandehur për këtë çështje së bashku me dhëndrin e tij, Jamarbër Malltezi.
