Në 24 orët e fundit janë shuar 24 vatra zjarri në bashkitë Vlorë, Vau i Dejës, Malësi e Madhe, Rrogozhinë, Durrës, Fier, Kuçovë, Lezhë, Kurbin dhe Has.
Zjarret kanë djegur rreth 9 hektarë bimësi dhe 200 rrënjë ullinj në Fier. Në dy raste janë dëmtuar banesa në Malësi e Madhe dhe Velipojë, vetëm me dëme materiale.
Në operacionet e shuarjes u angazhuan 32 automjete zjarrfikëse dhe 223 forca. Parashikohet nivel rreziku i lartë në qarqet Lezhë, Durrës, Tiranë, Berat dhe Fier, dhe i moderuar në qarqet e tjera.
Sistemi i mbrojtjes civile është në gatishmëri.
Qytetarët ftohen të tregojnë kujdes maksimal, të shmangin ndezjen e zjarreve në natyrë dhe të njoftojnë menjëherë çdo rast zjarr. Bashkëpunimi është kyç për mbrojtjen e jetës dhe natyrës.
