Gjykata e Posaçme dënoi me 35 vite burg Jemin Sherën.
Ai akuzohej për organizimin e vrasjes së Behar Sofisë, i ekzekutuar më 25 Shkurt të vitit 2021. Shera është në arrati dhe procesi është zhvilluar në mungesë të tij.
SPAK tha se nga hetimet, ka rezultuar se Shera e ka marrë porosinë për të ekzekutuar Behar Sofinë dhe për ta realizuar vrasjen, ka krijuar grupin kriminal.
Pjesëtarët e grupit e kanë vëzhguar shënjestrën e tyre për gjashtë muaj më radhë deri në momentin kur e ekzekutuan mëngjesin e 25 Shkurtit të vitit 2021, në afërsi të Piramidës në Tiranë.
127 vite burg ka dhënë Gjykata e Posaçme për 5 të dyshuarit për organizimin dhe vrasjen e Behar Sofisë. Xhuliano Visha, Leonard Xhixha, Skënder Vathi dhe Bujar Leza janë dënuar me nga 30 vite burg për ngjarjen, ndërsa bashkëpunëtori i drejtësisë që është edhe ekzekutori i Sofisë, Ernejt Shyti është dënuar me 7 vite heqje lirie.
Ai u arrestua në Malin e Zi teksa ishte duke punuar.
Policia dyshon se shkak i kësaj vrasje janë bërë prishjet e pazareve të drogës.
