Presidentja e Kosovës, Vjosa Osmani ka uruar Donald Trump, i cili sipas votave të deritanishme është duke prirë me vota për president të SHBA-së.
Osmani në platformën “X”, ka uruar Trumpin në emër të popullit të Kosovës.
“Në emër të popullit të Republikës së Kosovës, i shpreh urimet tona të përzemërta Donald Trump dhe JD Vance për zgjedhjen e tyre si president dhe zëvendës president i Shteteve të Bashkuara”, ka pohuar presidentja.
Ajo ka shtuar më tej se SHBA mbetet partneri i palëkundur dhe aleati i domosdoshëm i Kosovës.
“Mezi pres të punoj me administratën e re për të thelluar më tej lidhjen tonë unike dhe aleancën strategjike. Zoti e bekoftë Amerikën, liderin e botës së lirë”.
