“Hips don’t lie” thotë Shakira në këngën e saj, por duket se as goja s’i thotë gënjeshtra.
Në tapetin e Met Gala, ishte 48-vjeçarja e cila zbuloi e para shtatzëninë e Rihanna përpara se ylli të mbërrinte në eventin më të madh të modës.
“Mezi po pres ta shoh”, tha Shakira për NBC News. “Dhe sapo e mora vesh lajmin”.
Kur gazetari e pyeti se për çfarë bëhet fjalë, Shakira tha: “Ajo është shtatzënë” dhe më pas uzgurdulloi sytë dhe mbuloi fytyrën me duar: ”Nuk duhet ta thosha këtë?”
Fatmirësisht, edhe pse Shakira mbërriti para se RiRi të bënte hyrjen e saj të madhe, këngëtarja e kishte zbuluar shtatzëninë në Carlyle Hotel disa orë para eventit.
Në fotot e shkrepura, këngëtarja s’e fshehu aspak barkun e rrumbullakosur teksa ishte e veshur me një kostum.
Pasi mbërriti në Met Gala, Rihanna iu bashkua A$AP Rocky dhe shprehu ndjesitë e saj rreth këtij momenti në jetën e tyre:
“Jam mirë, çuditërisht ndihem mirë dhe jo shumë e hutuar. Në fillim isha disi e lodhur, por jam entuziaste”.
Ajo u pyet edhe nëse shtatzënia do ta vonojë albumin e nëntë, të cilin fansat e presin me padurim, por planet s’kanë ndryshuar:
“Jo. Mbase disa video, por mund të këndoj!”, tha Rihanna duke qetësuar paksa zemrat e admiruesve.
