Ka nisur mbledhja e Komisionit të Sigurisë Kombëtare në Parlament. Deputetët e Grupit Parlamentar të Partisë Demokratike kanë kërkuar një seancë dëgjimore me Ministrin e Brendshëm, Ervin Hoxha, për të diskutuar mbi situatën e rendit dhe sigurisë në vend, krimet e rënda të ndodhura gjatë verës, arrestimet e pakta të personave të shpallur në kërkim nga drejtësia dhe ndryshimet në strukturat drejtuese të Policisë së Shtetit.
Pjesë nga diskutimi:
Ferdinand Xhaferri: Gjatë një seance të gjatë, miratuam ligjin për Policinë e Shtetit. Asokohe, ministrit të atëhershëm Balla iu kërkua të merrte masa për të shmangur problemet e shfaqura gjatë verës së kaluar. Krimi duket i pandikuar nga forcat e rendit, pasi krimet ndodhin në Tiranë dhe Shkodër pa frikën e ndëshkimit. Vetëm gjatë gushtit, janë shënuar 12 viktima.
Ervin Hoxha: Edhe pse nuk jam plotësisht i kënaqur me performancën aktuale të policisë, jam i bindur se përmirësime do të ketë në ditët në vijim. Policia është e aftë dhe e përkushtuar. Për 50 ditët e para në detyrë, kam gjetur një strukturë të mirëorganizuara dhe profesionale. Në aspektin e sigurisë, vendi ynë është në nivele të larta, krahasuar me disa vende të BE-së. Edhe pse gushti ka parë një rritje të krimeve, statistikat vjetore janë të krahasueshme me ato të vitit të kaluar.
.
