Punimet në rrugën Vodicë – Qafë Dardhë po përparojnë me ritme të shpejta. Këtë të premte, kryeministri Edi Rama ndau disa pamje në rrjetet sociale nga kantieri i kësaj rruge malore, e cila po ndërtohet në një nga zonat më piktoreske të jugut të vendit.
“MIRËMËNGJES dhe nga puna në kantierin e rrugës Vodicë – Qafë Dardhë, që po merr formë dita-ditës duke hapur një mundësi të re për Beratin, lidhjen me Gramshin dhe zhvillimin e turizmit të natyrës e aventurës, ju uroj një ditë të mbarë.
Rruga përshkon terrene të thepisura, por me një natyrë mbresëlënëse, çka e bën potencialisht shumë tërheqëse për turistët.
