Debate në seancën për operacionin “Plumbi i artë” mes dy të penduarve të drejtësisë, Nuredin Dumani dhe Erion Alibej.
Ky i fundit është duke ju përgjigjur pyetjeve që i bëhen nga avokatët dhe ka rrëfyer për takimin e tij të parë me Nuredin Dumanin. Alibej tregoi detaje mbi “masakrën e Bradasheshit”.
“Nuredini nuk më pranoi që vëllai i tij të ishte në ngjarje. Nuk e di, mbase ishte ndonjë hatërmbetje me vëllanë e tij”, tha Alibej, çka solli reagim të menjëhershëm të Dumanit, raporton gazetarja e Klan News, Glidona Daci.
“Me leje zonja kryetare”, tha Dumani duke u çuar në këmbë dhe drejtuar gishtin ndaj të penduarit Alibej.
“Ky është mashtrim. Duhet të kërkosh falje për këtë!”, tha Dumani.
Tensioni u ndërpre nga ndërhyrja e gjykatës, që urdhëroi punonjësit e sigurisë të zhvendosnin Dumanin në një kënd, ku të kishte më pak kontakt viziv me Alibejn.
