Presidenti serb Aleksandër Vuçiç e konsideron si “startin” e një gare armatimesh” në Ballkanin Perëndimor, marrëveshjen e ministrave të mbrojtes të Shqipërisë, Kosovës e Kroacisë për bashkëpunimin për sigurinë dhe mbrojtjen që u nënshkrua më 18 mars në Tiranë.
“Për ne është e vështirë, por mesazhin e tyre e kemi kuptuar. Do të ruajmë vendin dotë, do t’i pengojmë ata dhe do të mbrohemi me sukses nga çdo agresor i mundshëm, edhe nëse është kaq i fuqishëm”, tha Presidenti Vuçiç.
Duke folur pas takimit me sekretarin e përgjithshëm të NATO-s, Mark Rute në Burksel, kreu i shtetit serb tha se memorandumi shkel marrëveshjet rajonale dhe se ishte i bindur se ajo ishte nënshkruar pa informuar NATO-n.
Vuçiç tha se ia kishte shprehur shqetësimin sekretarit Rute, por nuk dha detaje se ç’qëndrim kishte patur ai.
Ndërsa vetë Rutte shkroi në X se me presidentin serb bisedoi për rëndësinë e ruajtjes së sigurisë rajonale, si dhe të vazhdimit të forcimit të marrëdhënieve NATO-Serbi.
