Një aksident me pasojë vdekjen është shënuar orët e para të mëngjesit të sotëm në kryeqytet.
Automjeti i drejtuar nga shtetasi J.M., 35 vjeç, ka përplasur një këmbësor të moshuar, rreth 70 vjeç, i cili për pasojë ka ndërruar jetë.
Sipas informacionit paraprak të uniformave blu, ngjarja ka ndodhur rreth orës 02:25, në rrugën “29 Nëntori”, kur i moshuari po kalonte trafikndarësen.
Drejtuesi i automjetit u shoqërua në ambientet e komisariatit për veprime të mëtejshme.
Njoftimi i Policisë:
Tiranë/Informacion paraprak
Me datë 29.04.2025, rreth 02:25, në rrugën “29 Nëntori”, automjeti me drejtues shtetasin J. M., rreth 35 vjeç, ka aksidentuar një këmbësor ende të paidentifikuar rreth 70 vjeç, i cili po kalonte trafikndarësen, dhe si pasojë ka humbur jetën.
Drejtuesi i automjetit është shoqëruar në Komisariat, për veprime të mëtejshme.
Grupi hetimor po punon për sqarimin e rrethanave të aksidentit dhe për identifikimin e viktimës.
