Krateret e Hënës janë të pasura me platin. Janë rreth 6 mijë e 500 kratere të krijuara nga përplasjet e asteroideve, që mund të kenë depozita të mëdha jo vetëm me platin, por edhe me metale të tjera të kushtueshme.
Sipas një studimi, në bazë të të dhënave, një ekip i specializuar specifikon se në Hënë ndodhen mbi 6 mijë kratere me madhësi më të lartë se një kilometër, ndërsa 38 kanë diametër të paktën 19 km.
Sipas tyre, gjurmët e lëna pas përplasjes së asteroidëve janë përhapur në sipërfaqen e satelitit, por në shumë prej tyre janë grumbulluar veçanërisht në ata më të mëdhenj.
Duke u nisur nga përbërja minerare e asteroidëve që orbitojnë pranë Tokës, ata janë të pasur me përmbajtje platini, por edhe të mineraleve të tjera të rralla, si rodiumi, që është një ndër metalet më të rralla në natyrë e më të kushtueshme për përdorim në sektorët e industrisë teknologjike, dhe palladiumi, që gjen përdorim të gjerë në industrinë automobilistike.
Studimi është realizuar nga një grup universitetesh amerikane e britanike dhe është publikuar në revistën Planetary and Space Science.
