Këshilli i Ministrave, i mbledhur këtë të premte, 17 prill, ka vendosur që të shpallë “pasuri kulturore të paluajtshme”:
–Parkun Arkeologjik Bylis dhe Klos,
–Parkun Arkeologjik të Orikumit,
–Ansamblin Arkitektonik Urban të një zone në Delvinë,
–Zona Arkeologjie “A” të Bushatit, Bashkia Vau i Dejës.
Janë përcaktuar kufijtë përkatës sipas hartave zyrtare, si dhe masat konkrete për menaxhimin afatgjatë, me synim ruajtjen e vlerave historike, arkeologjike dhe arkitekturore.
Sakaq, institucionet përgjegjëse do të kryejnë regjistrimin në kadastër dhe publikimin e hartave në Gjeoportalin Kombëtar, ndërsa bashkitë dhe strukturat përkatëse do të angazhohen për zbatimin praktik të planeve të ndërmarra.
