Kolagji i kardinalëve ka vendosur që me datë 7 Maj të nisë konklava e të përzgjidhet Papa i ri që do drejtojë Kishën.
Kjo datë e përzgjedhur u krijon kohë kardinalëve që të zhvillojnë takime të rregullta paraprakisht, për t’u njohur me njëri-tjetrin, e për të vlerësuar gjendjen e Kishës, e cila është e rrethuar nga probleme financiare por gjithashtu dhe ndarje ideologjike.
Por si përzgjidhet Papa i ri në fshehtësi?
Çdo burrë katolik, mund të bëhet një papë.
Fillimisht mblidhen kardinalët, një pjesë e të cilëve jetojnë jashtë Vatikanit e u duhet të udhëtojnë në Romë për të qenë prezentë.
Ne ditën e parë të konklavës, kardinalët mblidhen për një meshë të veçantë në bazilikën e Shën Bazilikës, zakonisht në mëngjes. Në drekë më pas kardinalët mblidhen në Kapelën Paulinë, përpara se të marshojnë tek Kapela Sistinë duke kënduar “Krijuesi i Venit”.
Më pas kardinalët kryejnë betimin e fshehtësisë duke deklaruar: Unë (emir) Kardinali (mbiemri), premtoj dhe betohem. Më ndihmohtë Zoti dhe këta Ungjij të Shenjtë që i prek me dorën time”. Ky betimi thuhet nga çdo cardinal sipas radhës së vjetërsisë në moshë.
Procesi i votimit mbahet në mëngjes dhe në drekë. Nëntë kardinalë përzgjidhen rastësisht për të bërë detyra të caktuara: 3 mbikëqyrës të votimit, 3 që mbledhin votat nga kardinalët që janë sëmurë e 3 që verifikojnë rezultatet.
Pasi të ketë mbaruar procesi i votimit, kardinalët e caktuar për verifikimin e rezultateve nisin të numërojnë votat. Nëse një kandidat merr 2/3 e votave totale, bëhet Papa i ardhshëm.
Për ata më pas të cilët qëndrojnë jashtë Kapelës, mënyra e vetme për të kuptuar nëse kardinalët kanë rënë në dakordësi është përmes tymit. Nëse del tymi i zi, nuk është arritur përzgjedhja e një pape. Nëse del tym i bardhë, sinjalizon se është përzgjedhur Papa i ri.
Kolegji i kardinalëve pyet kandidatin e përzgjedhur nëse pranon të jetë lideri i ri, e nëse po, çfarë emri dëshiron të marrë.
