Një aksident i rëndë ka ndodhur mbrëmjen e djeshme, më 30 korrik, rreth orës 23:30, në aksin rrugor Cërrik–Gramsh.
Sipas uniformave blu, një motomjet i drejtuar nga një 66-vjeçar ka humbur kontrollin dhe ka dalë nga rruga. Si pasojë e aksidentit, drejtuesi i mjetit, shtetasi me iniciale O.K., ka pësuar dëmtime të rënda dhe ka ndërruar jetë.
Grupi hetimor ndodhet në vendngjarje dhe po punon për të zbardhur shkaqet e aksidentit.
“Më datë 30.07.2025, rreth orës 23:30, në aksin rrugor “Cërrik-Gramsh”, shtetasi O. K., 66 vjeç, duke drejtuar motomjetin, dyshohet se ka humbur kontrollin dhe për pasojë motomjeti ka dalë nga rruga. Për shkak të dëmtimeve, drejtuesi i motomjetit ka humbur jetën”
