Prokuroria e Posaçme Kundër Korrupsionit dhe Krimit të Organizuar (SPAK) ka paraqitur pretencën për kryebashkiakun socialist të Rrogozhinës, Edison Memolla.
Prokurori Edvin Kondili ka kërkuar dënimin e Memollës me 1 vit burg për akuzën e “korrupsionit aktiv në zgjedhje”, kryer në bashkëpunim. Përveç dënimit me burg, SPAK ka kërkuar si masë plotësuese heqjen e së drejtës për të ushtruar funksione publike për një periudhë 5-vjeçare.
Seanca e ardhshme, ku pritet mbrojtja nga pala e të akuzuarit dhe shpallja e vendimit përfundimtar nga Gjykata e Posaçme Kundër Korrupsionit dhe Krimit të Organizuar, është caktuar më 10 janar.
