Kandidati i koalicionit “Bashkë Fitojmë” për bashkinë e Shkodrës, Bardh Spahia, ka zhvilluar sot një takim me bizneset e rajonit 3 në Shkodër.
Në një postim në rrjetet sociale, Spahia theksoi se, bashkia do të mbështesë biznesin duke ndjekur politikën e taksave të ulta.
“Nga takimet me banorët dhe bizneset e rajonit nr.3, pata kënaqësinë të ndaja një pjesë të programit tonë për 4-vjeçarin në vazhdim”, theksoi Spahia.
Ai premtoi, “më shumë investime në infrastrukturë dhe përmirësim të shërbimeve”.
“Biznesi do të ketë mbështetjen maksimale duke ndjekur politikën e taksave të ulëta. “Bashkë Fitojmë” dhe i japim Shkodrës zhvillim e progres”, u shpreh Spahia.
https://www.facebook.com/blueledED/
