3 persona kanë rënë në pranga nga Policia e Gjirokastrës pas disa javësh hetime.
Sipas një komunikate zyrtare, 3 të arrestuarit në bashkëpunim me njëri-tjetrin përgatisnin në doza dhe shpërndanin drogë të llojit kokainë dhe kanabis në Gjirokastër dhe Sarandë.
Gjatë operacionit policia ka sekuestruar doza Cannabisi, rreth 50 gramë Kokainë, 1 armë gjahu, 1 radio marrëse-dhënëse, një sasi municioni, 250 paketa me cigare (pa pullën fiskale), shuma parash në valuta të ndryshme, 4 celularë dhe 2 automjete.
Në pranga ranë shtetasit M. S., 45 vjeç, banues në Gjirokastër, K. K., 45 vjeç, banues në Ksamil dhe K. Xh., 41 vjeç, banues në Sarandë.
