Policia e Tiranës ka bërë një njoftim zyrtar për gjetjen e një makine të djegur në fshatin Dritas. Sipas policisë, mjeti tip Tuareg është gjetur në datën 22 gusht dhe është konstatuar i djegur plotësisht.
Uniformat blu bëjnë të ditur se duke qenë se makina ishte thuajse e shkrumbuar totalisht ka qenë e vështirë për dallimin e elementëve identifikuese.
Ndërkohë, që prej ditësh vijojnë hetimet për zbardhjen e plotë, dyshimet janë se makina mund të jetë përdorur në ngjarjet kriminale që kanë ndodhur së fundmi.
Njoftimi i policisë:
Më datë 22.08.2022, jemi njoftuar se në fshatin Dritas, Njësia Administrative Zall-Herr, është gjetur një automjet i djegur plotësisht.
Duke qënë se automjeti ka qënë i djegur plotësisht ka qënë e vështirë për shërbimet e Policisë dallimi i elementeve identifikuese të tij.
Gjatë këtyre ditëve, ka vijuar puna intensive nga ana e strukturave të Policisë, me qëllim zbardhjen dhe dokumentimin e plotë të rrethanave të ngjarjes.
