📻 RADIO ISLAME
🔊
⚙️

Accessibility Settings

✕
🌙 Dark
⚫ Contrast
🔄 Invert
⚪ Gray
📖 Readable
🔤 Dyslexia
A+
A-
Line +
Line -
Spacing +
Spacing -
Zoom +
Zoom -
🖼️ Img
🔗 Links
H Titles
🛑 Anim
🔇 Mute
🐢 Cursor
🔊 Read
Image 1 6b015c62e60c5

Në ditën kur kryeministri Rama ka thirrur mbledhjen e Asamblesë së Partisë Socialiste të Tiranës, në fokus të së cilës pritet të jenë përgatitjet për zgjedhjet vendore të 9 majit 2027, kryebashkiaku i Tiranës, Erion Veliaj, ka përcjellë një mesazh përmes një postimi drejtuar socialistëve të kryeqytetit.

Nga mesazhi i publikuar, Veliaj nuk kursen kritikat ndaj drejtimit aktual të Partisë Socialiste, duke kujtuar betejat dhe fitoret e së kaluarës. Ai flet për privilegjet, besnikërinë e verbër dhe largimin nga parimet, ndërsa e mbyll mesazhin me një apel për të ruajtur atë që e cilëson si qytetari dhe djersë socialiste.

Mesazhi vjen në një moment të rëndësishëm për PS-në e Tiranës, teksa strukturat e saj po përgatiten për zgjedhjet e ardhshme vendore. Veliaj e firmos postimin me fjalët: “Miku dhe shoku juaj, socialisti me duar të lidhura”.

“MESAZH PËR ASAMBLENË E TIRANËS

Të dashur miq dhe socialistë të Tiranës!

Prej vitit 2015 ndërtuam bashkë një organizatë që besonte te puna, progresi dhe qyteti. Fitoret tona nuk na i dhanë as bandat, as krimi dhe as të fortët. Ato i ndërtuam me djersën e socialistëve dhe qytetarinë e Tiranës.

Po a jemi ende ajo parti?

Hidhni një sy nga shoku në krah. A është ende socialisti me të cilin ndamë betejat dhe fitoret, apo vendin e tij e kanë zënë ministruca e drejtoruca, që pushtojnë territore me privilegje, në vend që të pushtojnë zemrat e qytetarëve?

Më pikëllon të shoh një parti ku drejtuesi u hakërrehet socialistëve që e ngritën në krye, ku mijëra vota e vite sakrificash fshihen me një klithmë të tij dhe ku besnikëria e verbër ndaj tij vlen më shumë se besnikëria ndaj parimeve.

Ne ndërtuam një parti zemrash, jo një hordhi privilegjesh!

Unë sot vërtet i kam duart e lidhura, por jo kujtesën, bindjet dhe përgjegjësinë për atë që ndërtuam bashkë.

Tirana është qyteti i rinisë, kulturës dhe optimizmit. Tirana është zemra jonë e madhe.

Ruajeni qytetarinë dhe djersën socialiste. Mos lejoni që historia jonë të zëvendësohet nga pushteti i pamerituar.

Me mall, respekt, përulje dhe mirënjohje,

Miku dhe shoku juaj,

Socialisti me duar të lidhura

Erion Veliaj”

FX Team

By FX Team

Leave a Reply

Your email address will not be published. Required fields are marked *

🔴 LIVE TV
Verified by MonsterInsights