Kryeministri Edi Rama priti sot nw një takim mirëseardhjeje ambasadorin e ri të Shteteve të Bashkuara të Amerikës në Tiranë, Eric Wendt.
Përmes një postimi në rrjetet sociale, Rama ndau edhe një fotografi nga takimi me diplomatin amerikan, duke e shoqëruar me mesazhin, “Takimi i mirëseardhjes së Ambasadorit të ri amerikan në Tiranë, Eric Wendt”.
Eric Wendt nisi zyrtarisht detyrën si ambasador i Shteteve të Bashkuara të Amerikës në Shqipëri, më 26 shtator, pasi i dorëzoi letrat kredenciale Presidentit Bajram Begaj.
Ndërkohë, më 2 tetor, Ambasada e SHBA-së në Tiranë pritet të organizojë një ceremoni prezantuese për ambasadorin e ri, në një hotel në qendër të kryeqytetit.
Eric Wendt, 61 vjeç, ka qenë pjesë e forcave speciale ”Green Beret”. Ai ka shërbyer gjithashtu si komandant i Komandës së Operacioneve Speciale të NATO-s, si dhe në pozicione të rëndësishme në Lindjen e Mesme dhe rajonin e Paqësorit.
