Vatra e zjarrit mbi tunelin e Llogarasë është shuar plotësisht pas një operacioni të koordinuar nga Prefektura e Qarkut Vlorë, me mbështetjen e Agjencisë Kombëtare të Mbrojtjes Civile.
Në ndërhyrje u angazhuan 4 automjete zjarrfikëse, 11 efektivë të shërbimit zjarrfikës nga Himara dhe Vlora, 43 efektivë të Forcave të Armatosura, si dhe një helikopter i Forcës Ajrore, të cilët punuan për neutralizimin e flakëve në zonën e vështirë malore.
Autoritetet bëjnë me dije se situata tashmë është vendosur nën kontroll, ndërsa zona do të vijojë të monitorohet nga strukturat përgjegjëse për të parandaluar çdo riaktivizim të mundshëm të zjarrit.
