Kreu i SPAK, Klodian Braho gjatë raportimit të tij para KLP, deklaroi se Prokuroria e Posacme Antikorrupsion ka proceduar 24 zyrtarë të lartë për çështje që lidhen me korrupsionin. Ai deklaroi se korrupsioni në nivel të lartë ngelet ende qetësues.

Mes të tjerash ai shtoi se zyrtarëve të lartë i janë sekuestruar 1.1 milion euro pasuri.
“Totali i vendimeve në gjykata është rritur ndjeshëm, duke reflektuar stabilizm në çështjet e përfunduara. Gjatë 2025 numri i rekurseve të paraqitura në Gjykatën e Lartë është ulur ndjeshëm për çështjet e hetuara nga SPAK. 59 vendime janë marrë nga GJKKO dhe një nga Gjykata e Lartë.
Për masat e sigurimit, politika institucionale është marrë në konsideratë duke e parë arrestin me burg si masa e fundit.
Për 2025 shumica e veprave lidhen me vepra të korrupsionit dhe pjesa tjetër për kriminalitet.
Për korrupsion është zbatuar masa për 15 persona të arrestuar dhe 5 të tjerë për mungesë.
Lufta kundër korrupsionit, dhe atë në nivelin te lartë, ngelet në nivel shqetësues. Në këtë drejtim SPAK ka shënuar rritje të 18 % të rasteve të reja për çështje korrupsioni.
Aktiviteti i shtuar reflektohet në çuarjen në gjykatë të 6 procedime të reja për zyrtarët e lartë dhe 6 hetime. 18 persona janë dërguar në gjykatë për gjykim, 10 janë dënuar me vendim të formës së prerë. Vlera e pasurive të sekuestruara për zyrtarët e lartë është 1.1 mln euro për 2025-ën, ndërsa për këtë vit 100 mijë euro.”, tha ai.