Thyhet para hetuesve Luan Maçi. I vënë përballë provave Maçi ka bashkëpunuar me policinë duke thënë se grabitjen e ka kryer ai dhe armën që përdori për kërcënimin e punonjëses së exchange e ka hedhur në një pusetë pas ngjarjes.
Raportohet se sipas 42- vjeçarit ngjarja ka ndodhur për shkak të vështirësive ekonomike që ndodhej familja e tij.
Ai kishte borxhe dhe nënën sëmurë.
Në 7 orët e arratisë ai kishte shpenzuar gjysmën e shumës së grabitur.
Për të fshehur identitetin ai kishte bërë ndryshime në pamje duke hequr mjekrën që të mos kishte përputhje me imazhin e kapur nga kamerat e qendrës tregtare.
