Presidenti turk, Recep Tayyip Erdogan, tha se beson se as Rusia dhe as SHBA-ja nuk planifikojnë të përdorin armë bërthamore, pas një takimi të shefave përkatës të spiunazhit në Turqi.
“Më lejoni të them këtë, sipas informacionit që kam marrë nga shefi im i inteligjencës, asnjëra nga palët nuk do të përdorë armë bërthamore deri më tani”, tha ai.
Drejtori i agjencisë qendrore të inteligjencës amerikane (CIA) William Burns dhe Sergei Naryshkin, kreu i shërbimit të inteligjencës së jashtme të Rusisë SVR, u takuan këtë javë në Ankara në atë që ishte kontakti i parë i njohur i nivelit të lartë, ballë për ballë SHBA-Rusi që nga Presidenti Vladimir Putin urdhëroi trupat e tij të pushtonin Ukrainën në shkurt.
Erdogan tha se dëshiron t’i mbajë të dyja palët të angazhuar në dialog.
“Sigurisht që ne duam që ata … të mblidhen shpesh. Zoti na ruajt, përdorimi i armëve bërthamore mund të çojë në një luftë të re botërore. Të mos e lëmë të ndodhë”, tha ai.
